21 От ыйа 21.07
  • 28°
  • $ 88,02
  • 96,04

Максим Терещенко “Арассыыйа лидердэрэ” куонкуруска кыттыытын туһунан кэпсээтэ

16:43, 22 октября 2018
Текст:
Читайте нас на
Яндекс Новости
ЯДВ

Бүгүн Саха сирин бырамыысыланнаска уонна геологияҕа миниистирэ Максим Терещенко “Саха” НКИК “Актульное интервью” анал биэрии ыытааччытын кытта куонкуруска кыттыытын кэпсээтэ уонна тиһэх түһүмэххэ хайдах тиийэр туһунан сүбэлээтэ.

“Тустаах иһитиннэриини мин доҕотторбуттан уонна дьиэ кэргэммиттэн истибитим. Бэйэлэрин эйгэлэригэр ытыктанар дьон иһитиннэриилэрэ миигин интэриэһиргэппитэ. Дойду ханнык баҕарар үрдүк үөрэҕин кыһатыгар үөрэнэргэ грант ылар кыаҕы биэрэрин сэргээбитим. Маны сэргэ бэйэ таһымын сыаналыырга табыгастаах куонкурус эбит. Экспертэн сүбэлэтэр да туһалаах”, — диэн Максим Терещенко санаатын үллэһиннэ.

Миниистир этэринэн, куонкуруска эдэр дьон кыттыбыттара кэрэхсэбиллээх. “Былырыын 24-26 саастаах кыттааччылар полуфиналга тахсары таһынан, кыайыылаах буолбуттара, билигин куонкуруска салайар үлэҕэ төһө уһуннук үлэлээбиккэр ирдэбил аччаабыт. Иккиһинэн, хайаан даҕаны улахан тэрилтэ салайааччыта буоларыҥ ирдэммэт буолбут. Госсулууспаҕа сыһыаран эттэххэ, бу сүрүннүүр исписэлиис, үлэһиттэр бөлөхтөрүн салайааччы буолуон сөп. Дьоҕус тэрилтэ салайааччыта эбэтэр үлэһитэ кыттар кыахтаах”, — диэн Терещенко бэлиэтээтэ.

Куонкуруска стратегическайдык толкуйдууруҥ ирдэнэр. Иккиһинэн, салайааччы социальнай хайысхаҕа болҕомтотун ууруохтаах, үлэһиттэрин туһугар үлэлиэхтээх. Ону тэҥэ хамаандаҕа сатаан үлэлиир,  үлэҕэ көрсүллэр ыарахаттары тулуйар буолуохтаах.

Следите за самым важным и интересным в Telegram-канале и WhatsApp-группе ЯСИА