Нам улууһугар Эҥсиэли хаһыат общественнай кэрэспэдьиэнэ Иван Петрович Пестряков «Максим Аммосов бастакы политическай хардыылара» диэн кинигэтин иккис таһаарыыта бэчээттэннэ.
Кинигэҕэ Максим Кирович политическай, государственнай уонна общественнай үлэтин эдэр эрдэҕинээҕи кэмэ сырдатылынна. Матырыйааллар барыта архыып докуомуоннарыгар олоҕуран кырдьыктаахтык суруллубуттар.
«Архыыпка харалла сытар уонна араас кэмҥэ урут (тахсыбыт) суруллубут баһаам элбэх матырыйаалы хомуйан биир кинигэҕэ тиспитэ научнай хайысхатын туоһулуур. Судургу тылынан, киһи өйүгэр хатанар гына, суруллубут буолан, кинигэни киэҥ эйгэ интэриэһиргээн ааҕыан сөп», — диэн Историческай наука кандидата, профессор И.С. Сивцев сыаналаата.
Лена Ноговицына,
Эҥсиэли хаһыат
This post was published on 27.04.2022 18:09 18:09