3 От ыйа 03.07
  • -7°
  • $ 104,68
  • 115,6

Майалар бибилэтиэкэҕэ Кыайыы диктанын суруйдулар

15:00, 04 сентября 2020
Текст:

Балаҕан ыйын 3 күнүгэр Бүтүн Арассыыйа үрдүнэн 85 эрэгийиэҥҥэ 7500 былаһааккаҕа ыытыллыбыт Кыайыы диктаныгар  Майа сэлиэнньэтин олохтоохторо көхтөөхтүк кытыннылар.


И.М.Сосин аатынан улуустааҕы киин бибилэтиэкэ ааҕааччылара, барыта 26 киһи, Кыайыы диктанын тэрээһинигэр кэлэн кытыннылар.

Диктаны бибилэтиэкэ программиһа Анна Петрова иилээн-саҕалаан ыытта. Тэрээһиҥҥэ анал регистрацияны ааспыт волонтердар, бибилэтиэкэ үлэһиттэрэ күүс-көмө буоллулар. Киирии тылы киин бибилэтиэкэ дириэктэрэ Елизавета Корнилова эттэ. Елизавета Семеновна диктаны толорор хас биирдии ааҕааччыга ситиһиилэри, инникитин да бибилэтиэкэ ыытар тэрээһиннэригэр көхтөөх кыттыыны ылалларыгар баҕарда.

Павел Судико

Бэлиэтээн эттэххэ, дойду үрдүнэн Кыайыы диктанын суруйууга уон бастыҥнар истэригэр киирэн, Москваҕа Улуу Кыайыы параадын уу хараҕынан көрөр чиэскэ тиксибит, Майа сэлиэнньэтин дьокутааттарын Сэбиэтин бэрэссэдээтэлэ Павел Судико улууспут олохтоохторун көҕүлээн, бу үгэс буолбут патриотизм тыынын тэрээһинигэр иккис төгүлүн кытынна.

Пандемиянан сибээстээн, ыарыыттан сэрэхтээх буолуу билиҥҥи ирдэбиллэри тутуһан, хас биирдии ааҕааччыга мааска, бэрчээккэлэр бэрилиннилэр, ааҕааччылар бэйэ-бэйэлэриттэн ирдэниллэр дистанцияҕа тэйиччи олорон диктант сорудахтарын толордулар.

Бэриллибит 45 мүнүүтэ устата диктант кыттыылаахтара билиилэрин тургутан боппуруостарга хоруйдаатылар. Маннык устуоруйа чахчыларын билэр буолууну эрэйэр диктаны суруйуу, биллэн турар, элбэх билиини эрэйэрин, итиэннэ дойду устуройатын билиини хайаан да наадалааҕынан ааҕалларын бибилэтиэкэ ааҕааччылара бэлиэтээтилэр.

Следите за самым важным и интересным в Telegram-канале и WhatsApp-группе ЯСИА
0
0