Мэҥэ Хаҥалас улууһун Майа сэлиэнньэтигэр сокуонунан итирдэр утаҕы атыылыыры боптулар. Сэлиэнньэ Саха сиригэр саамай бөдөҥ «трезвое село» буолла, суруйар ЯСИА.
Сокуоҥҥа сөптөөх уларыйыыны Ил Түмэн ылынна, бүтэһик ааҕыыга. Көҕүлээһин сэлиэнньэ депутаттарын сэбиэтинэн оҥоһулунна уонна парламеҥҥа олохтоох салайыныы баһылыга Алексей Даниловынан киллэрилиннэ.
Билигин Майа сэлиэнньэтин нэһилиэнньэтэ уон тыһыынчаттан тахса киһи, регимстрациялааҕа аҕыс тыһыынчаттан тахса, онтон 3698 эр киһи, 4377 — дьахтар.
2017 сылга 11 маҕаһыыҥҥа итирдэр утаҕы атыылаабыттар, 2019 сылга Мэҥэ Хаҥалас улууһун депутаттарын быһаарыытынан түөрткэ диэри кыччатыллыбыт. Билигин сэлиэнньэҕэ итирдэр утаҕы атыылааһын толору бобулунна.
This post was published on 11.06.2025 15:33 15:33