18 От ыйа 18.07
  • 17°
  • $ 88,09
  • 96,3

Майаҕаска нэһилиэк күүһүнэн библиотека тутулунна

Читайте нас на
Яндекс Новости
ЯДВ

Уус Алдан улууһун Майаҕас библиотеката тэриллибитэ 85 сыла. Бу кэрэ-бэлиэ күнү көрсө, нэһилиэк олохтоохторо бэйэлэрин күүстэринэн саҥа библиотека дьиэтин тутан дьэндэттилэр. Үөрүүлээх сонуннарын СИА-ҕа улуустааҕы кииннэммит бибилэтиэкэ методиһа Мария Попова иһитиннэрдэ.


Саҥа библиотекаҕа  миэбэл, туттар тэрил  наадатын өйдөөн, ону ылыыга үтүө санааланыы акциятын улуустааҕы култуура управлениета, Майаҕас дьаһалтата  «Түмсүү» норуот айымньытын дьиэтигэр тэрийдилэр. «Маҥнай оскуола уонна «Чуораанчык» уһуйаан оҕолоругар  библиотечнай уруоктар ыытылыннылар. Оҕолорго кинигэни ааҕыы туһатын, элбэх билиини-көрүүнү киһи кинигэттэн бэриһиннэрэрин туһунан кэпсээтилэр. Бэртээхэй быыстапка тэрилиннэ. Ол кэнниттэн салгыы «Билии-көрүү киинэ бибилэтиэкэ сайдыыта – нэһилиэк кэскилэ»  диэн акцияҕа анаммыт кэнсиэргэ нэһилиэк ыччата көхтөөх кыттыыны ылла. Дьон-сэргэ саҥа библиотека аһылла охсоругар баҕаран эҕэрдэ тыллары эттилэр, үөрүүлэрин үллэһиннилэр», — диэтэ Мария Коммунаровна.

Мустубут дьону улуустааҕы култуура управлениетын начаалынньыгын солбуйааччы Максим Гоголев,  кииннэммит бибилэтиэкэ методиһа Февронья Федорова акцияҕа көхтөөхтүк кытталларыгар ыҥырбыттар. Нэһилиэк баһылыга Виктор Крылов саҥа библиотека ититиитэ, уота-күөһэ бэлэмин, саҥа дьиэ балаҕан ыйыгар үлэҕэ киирэрин туһунан үөрүүлээх сонуну иһитиннэрбит, тутууга үлэлээбит бар дьонугар махтаммыт. Үөрүүгэ-көтүүгэ мустубут дьоҥҥо библиотека үлэһиттэрэ бэртээхэй күрэстэһиилэри тэрийбиттэр.

Следите за самым важным и интересным в Telegram-канале и WhatsApp-группе ЯСИА