22 От ыйа 22.07
  • 18°
  • $ 88,02
  • 96,04

Майа: «Олоҥхо дойдута ыҥырар!» норуоттар икки ардыларынааҕы тэрээһин дьоһун түһүлгэтэ

14:35, 04 июля 2016
Читайте нас на
Яндекс Новости
ЯДВ

Ааспыт ый бүтүүтэ Мэҥэ Хаҥалас улууһун Майа сэлиэнньэтэ Саха сирин, аан дойду араас муннуктарын бэрэстэбиитэллэрин дьоһун түһүлгэтэ, айар дьоҕурадаахтар ураты болҕомтолорун эргийэр киининэн буолла.


Ол курдук, Дмитрий Ходулов аатынан Норуот айымньытын дьиэтэ «Олоҥхо дойдута ыҥырар!» диэн тэрийбит аан бастакы сайыҥҥы фестивалыгар соҕурууттан-хотуттан Айылҕа барахсан хатаҕалаан, маанылаан иҥэрбит талааннаахтара икки күн устата уус-уран дьүһүйүүгэ, ырыаҕа, үҥкүүгэ, музыкальнай инструмеҥҥа уонна сиэр-туом толоруутугар күрэстэстилэр.

«Бырайыак ааптара М.К.Аммосов аатынан ХИФУ бүтэрбит Павел Судико, оттон сүрүн тэрийээччи Д.Ф.Ходулов аатынан Норуот айымньытын дьиэтэ. Маннык үрдүк таһымнаах, норуоттар икки ардыларынааҕы фестивалы ыытар туһунан санаа иитиэхтэммитэ быданнаата. Тоҕо диэтэххэ, Мэҥэ Хаҥалас урут-уруккуттан култуура, спорт муҥутуурдук сайдыбыт улууһа. Ити хайа эрэ көлүөнэҕэ кэлэн сүтэн-симэлийэн, уостан хаалбакка, үүнэр ыччакка бэриллэн, иҥэриллэн иһэр буолан, салгыы сайда, чэчирии турар.

Ити сайдыы кэрэ кэрэһитэ – норуоттары түмэ тардыбыт бу фестивал буолла», — диэн СИА-ҕа Дмитрий Ходулов аатынан Норуот айымньытын дьиэтин салайааччытын солбуйааччы Мария Лукина кэпсээтэ.

«Ситиһии биһиги айар коллективтарбытын кытта ханна да буоллун: Россия, омук дойдуларын киэҥ туонатыгар куруук силлиһэ, силбэһэ сылдьар. Онон, урукку мунньуммут уопуппутугар олоҕуран, ону өссө ордук тупсаран, байытан норуоттар икки ардыларынааҕы анал туруктаах тэрээһиини үрдүк таһымнаахтык ыытарга ситтибит-хоттубут диэн бигэтик этэр кыахтаахпыт», — диир кини.

Фестивалга Кытай Даолянь куоратыттан кэлэн кыттыыны ылбыттарын эбэн этиэҕи баҕарыллар. Кинилэр «Хор русской песни» бөлөхтөрө фестивал лауреатын үрдүк аатын ылан, үөрүүлэрэ үксээтэ.

Ырыаҕа фестивал муҥутуур кыайыылаахтарын үрдүк ааттары Майатааҕы народнай хор, музыкальнай инструмеҥҥа Сунтаар улууһуттан кыттыбыт Анжела Попова, уус-уран тылга Мэҥэ Хаҥалас Лоомтукатыттан Виталий Никифоров, үҥкүүгэ Үөһээ Бүлүүттэн кэлбит «Алгыс» ансамбыл, сиэри-туому толорууга Майаттан «Айыына» ансамбыл ыллылар.

Следите за самым важным и интересным в Telegram-канале и WhatsApp-группе ЯСИА