25 Тохсунньу 25.01
  • -48°
  • $ 73,82
  • 83,32

Майаҕа "Хаарбах дьиэттэн дьону көһөрүү" бырагыраама үлэтэ салҕанар

10:01, 14 мая 2021
Текст:

«Дьону хаарбах дьиэттэн көһөрүү» национальнай бырайыак чэрчитинэн бырагыраама Майа сэлиэнньэтигэр көдьүүстээхтик үлэлээн кэллэ. Ааспыт сыл бүтүүтэ, ахсынньы 25 күнүгэр Исаев аатынан уулуссаҕа икки дьиэҕэ 78 ыал саҥа кыбартыыра күлүүһүн туппута. Тутууну «Арктика-Строй» уонна «Мегинострой» тэрилтэлэр иилээн-саҕалаан ыыппыттара.


Билигин Исаев аатынан уулуссаҕа былырыын киирбит икки дьиэ салгыы тутуллар. Тутууну эмиэ «Арктика-Строй» уонна «Мегинострой» тэрилтэлэр ыыталлар. Бу туһунан «Майа сэлиэнньэтэ» МТ баһылыгын тутуу боппуруостарыгар солбуйааччы Василий Филиппов иһитиннэрдэ.

— Исаев аатынан уулуссаҕа икки дьиэ салҕанар, үлэтэ билигин бара турар. 80 кыбартыыра үлэҕэ киирэрэ былааннанар. Бу дьыл бүтүөр диэри саҥа хаһаайыттарга күлүүстэр туттарыллыахтара. Быйыл Сыроватскай аатынан уулусса 14, 16, 34, Самсонов аатынан уулусса 20, 25/1, 27, Байкалов аатынан уулусса 10, 12, Пионерскай 9 уонна 11 нүөмэрдээх элбэх кыбартыыралаах хаарбах дьиэлэриттэн олохтоохтор көһүөхтэрэ. Маны сэргэ Майа сэлиэнньэтигэр эргэ дьиэлэри көтүрүү үлэтэ ыытыллар. Бу сылга 20 хаарбах дьиэ көтүллүөхтээҕиттэн 11 дьиэ көтүрүлүннэ. Бу үлэни Майа олохтоох предпринимателлэрэ Николай Жирков уонна Архип Скрябин үтүө суобастаахтык толороллор.

Онон Майабыт сылтан сыл тупсан, эргэ дьиэлэр көтүллэн, саҥа тутуулар ыытыллан,​ сайдыы баран иһэр, диэн суруйда Виктория Белолюбская https://www.instagram.com/gazetaerkeii/

0
0
25 января 25.01
  • -48°
  • $ 73,82
  • 83,32