Россиятааҕы чемпионакка бастыыр иһин киирсиигэ Үөһээ Бүлүү улууһуттан Саха сирин хамаандатын чилиэнэ, биир күүстээх спортсмена Мандаров Эльдар (техникум 2 кууруһун устудьуона) олус ситиһиилээхтик кытынна.
16-17 саастаах уолаттарга барыта 38 оҕо кытынна. Магадан, Красноярскай, ХМАО, ЯНАО, Чукотка, Хабаровскай, Сахалин, Тюмень, Камчатка барыта 10 хамаанда күөн көрүстэ.
Эльдар куобахха 10 м. 17 см. ыстанан 5-с миэстэ буолла. Мастаах 3 км. сүүрүүгэ 4-с миэстэ. 150 м. сүгэ быраҕан 3-с миэстэ. Маамыктаны 5-тэ табан 11-с миэстэ, 409-та нарта ойон 2-с миэстэни ылла. Онон түмүктүүр ааҕыыга 25 баалланан эрэллээхтик 1-кы миэстэ буолла.
Эльдар тренерэ Раиса Григорьева, супуйда «Үөһээ Бүлүү» хаһыат телеграм-ханаала.
