Саха Өрөспүүбүлүкэтин уус-уран идэтин маастара, художник-дизайнер Василий Андросов Эдьиий Марыына аатын үйэтитэр туһугар кини куукулатын оҥорбут.
«Эдьиий Марыына уобараһын куукулаҕа кубулуппут киһи диэн санаа өссө былырыын киирбитэ. Соторутааҕыта мин кинини сценаҕа тахсан ыллыы-туойа турар курдук түһээбитим. Итини мин үөһээттэн бэриллибит бэлиэ курдук ылынан, ол күн тута кинини куукула быһыытынан оҥорбутунан барбытым. Бастаан утаа Эдьиий Марыына хаартыскаларын муспутум, ырыаларын истибитим. Куукула олус чэпчэкитик оҥоһулунна», — диэн ааптар СИА-ҕа кэпсиир.
Маастар этэринэн, кини куукуланы оҥороругар ыксаабатах-тиэтэйбэтэх. Барыны-бары толкуйдаан оҥорбут.
Бу оҥоһук кэнниттэн маастарга элбэх этии киирбит. Онон, үлэлииргэ, айарга-тутарга кини былаана элбэх.
This post was published on 16.05.2016 18:09 18:09