2 №-дээх өрөспүүбүлүкэтээҕи балыыһа регионнааҕы тымыр киинигэр — экстреннай медицина көмөтүн киинигэр бүтэһик сылга инсулка сабаҕалаан 3000 көрдөрүү киирбит, ол иһигэр 1800 киһиэхэ ыарыы чуолкайдаммыт. Геморрагическай инсульт ишемическайдааҕар ордук чаастатык көстөр, бу көрүҥ ордук кутталлаах, өлүүгэ тириэрдиэн сөп. Неврологическай отделение быраастара СИА-ҕа бастакы суһал көмөнү оҥоруу туһунан кэпсээтилэр.
Инсульт көрүҥнэрэ уонна биричиинэтэ
Инсульт – бу сытыытык киирбит эбэтэр дьарҕа буолан сылдьар ыарыылар охсуулара. Икки көрүҥнээх: геморрагическай уонна ишемическай. Быраабыла быһыытынан, ишемическай инсулунан 60-н үөһэ саастаахтар ыалдьаллар. Сахарнай диабет, артериальнай гипертония, моой уонна төбө тымырдарын патологията, сүрэх тэбиитин кэһиллиитэ – ишемическай инсульт сүрүн биричиинэлэрэ. Ханнык полушариеҥ эмсэҕэлээбититтэн тутулуктаах. Хаҥас полушарие ордук чаастатык эмсэҕэлиир, манна киһи саҥатыгар, өйүгэр дьайар уҥа өттө арахсар.
«Биһиги «внутрисосудистай реканализация» диэни күүскэ үөрэтэбит – ол аата өттүк артериятынан церебральнай артерияҕа киирэн, тромбаны хостонор, оччотугар тымырга сырдык киирэр, бу ишемическай инсулка. Ыарыһах түргэнник балыыһаҕа кэлиэн наада, 4,5 чаас иһинэн, хайдах ыалдьыбытыгар бастакы симптому биллэ даҕаны», – диэтэ неврологическай отделение сэбиэдиссэйэ Саргылана Шарина.
Геморрагическай инсульт – бу мэйии бүрүөтүгэр хаан киириитэ. Бу көрүҥ ордук сэрэхтээх, киһи доруобуйатыгар уларытыылары киллэрэр, өлүөххэ сөп. Сүрүн биричиинэ — хроническай гипертония, мэйии тымырыгар төрүөхтэн эбэтэр кэлин ылбыт аномалиялар, аневризмнар уонна артерио-венознай мальформация. Тымыр хайа барыытыгар мэйиигэ хаан турар. Геморрагическай инсульт азиаттарга ордук тарҕаммыт көрүҥ.
«Эдэрдэр ордук геморрагическай инсулунан ыалдьаллар, үрдүк хаан баттааһыныгар мэйиилэригэр хаан турар. Аневризмҥа тымыр стенкатыгар мөһөөччүк олоҕурар. Үрдүк артериальнай давлениеҕа ол мөһөөччүк хайа барар уонна мэйии бүрүөтүгэр хаан турар. Сахалар артериальнай гипертониялаахтар, тоҕо диэтэххэ азиаттарга тымыр стенката чараас, бу биһиги уратыбыт», – диэтэ анестезиолог-реаниматолог Алексей Владимиров.
Сиһилии https://ysia.ru/vazhna-kazhdaya-minuta-kak-v-yakutii-spasayut-patsientov-s-insultom/
Хаартыска: Саина Титова, СИА
