Сэтинньи 7 күнүттэн Дьиэ Кодексатыгар саҥа көннөрүүлэр киирбиттэринэн хаачыстыбата суох оҥоһуллубут ОДьКХ өҥөлөрүн иһин хат ааҕыы (перерасчет) судургутуйда. Бу туһунан Российская газета. суруйар.
Кыраантан түһэр барбах мүлүгүр эбэтэр кирдээх уу, сөрүүн дьиэ, уот күүрүүтүн хамсааһыныгар (түбэлтэлэр коммунальнай өҥөнү оҥоруу быраабылаларыгар уонна Дьиэ кодексатыгар сурулла сылдьаллар), саҥа көннөрүүлэринэн, хат ааҕыыны салайар хампаанньа, олохтоохтор табаарыстыбалара эбэтэр кооперативтар оҥороллор. Өскөтүн олохтоохтор ититии, уот иһин төлөбүрү быһа тэрилтэлэргэ төлүүр буоллахтарына, хат ааҕыыныы ол тэрилтэлэр оҥороллор. Урут коммунальнай өҥө оҥоһуллубатах эрэ түгэнигэр хат ааҕыы оҥоһуллара, итиэннэ ким төлүүрэ чуолкай биллибэтэ. Ити оннугар хаачыстыбата суох оҥоһуллубут коммунальнай өҥө иһин ыстыраабы олохтооххо төлөөһүн суох буолла.
Экспертэр быһааралларынан салайар хампаанньалар ититии, уу ситимнэрин кэмигэр ыраастаабаттарын, опрессовканы ыыппаттарын түмүгэр дьиэҕэ итиини тиэрдии моһуогурар. Ол иһин эппиэтинэһи кини сүгэр диэн быһаараллар.
Сиһилии манна билис https://ysia.ru/sdelat-pereraschet-za-kommunalnye-uslugi-stalo-legche/
This post was published on 09.11.2020 11:02 11:02