26 От ыйа 26.07
  • 16°
  • $ 85,41
  • 93,17

Людмила Огородова: Саха сиригэр үрдүк хаачыстыбалаахтык үөрэтэллэр

11:35, 17 августа 2016
Читайте нас на
Яндекс Новости
ЯДВ

Россия үөрэххэ, наукаҕа миниистирин солбуйааччы Людмила Огородова бу күннэргэ Саха сиригэр үлэлиир. Атырдьах ыйын 16 күнүгэр кини ХИФУ сырытта, форум («Ленский образовательный форум») экспозицияларын, быыстапкаҕа («Открытая школа – горизонты Якутии») сырытта.


«Мин Саха сиригэр бэриллэр үөрэх хаачыстыбатын үрдүгүнэн сыаналыыбын. Федеральнай университекка генетика уонна физика лабораторияларыгар, ону таһынан физическэй кииҥҥэ сырыттым. Мин манна көхтөөх устудьуоннартан, аан дойду таһымыгар сөп түбэһэр дьоһун оборудованиенан уонна наука литературатынан хааччыллыы баарыттан үөрдүм», — диэн Людмила Огородова суруналыыстарга эттэ.

Миниистири солбуйааччы үөрэх сайдыытыгар форум киллэрэр кылаатыгар тохтоото. «Тэрээһиҥҥэ учуутал идэтэ, оскуола өрө тутуллар. Бу форуму ЮНЕСКО уонна биһиги министиэристибэбит өйөөтө», — диир кини.

Огородова оҕону иитии уонна үөрэтии араас көрүҥнэрэ сайдалларын чиҥэтэн эттэ. «Биһиги үөрэнээччилэр олоххо көхтөөх дьон буолан тахсалларын, идэлэрин таба талалларын туһугар айар дьоҕурга, үлэҕэ угуйабыт. Кинилэр итинник буолуулара уопсастыбаҕа туһаны эрэ аҕалыаҕа», — диэтэ кини.

Следите за самым важным и интересным в Telegram-канале и WhatsApp-группе ЯСИА
Тутаах тыллар