Нам улууһугар быыбар хаамыытын туһунан Өрөспүүбүлүкэ уопсастыбаннай сэбиэтиттэн кэтээн көрөр бөлөх чилиэнэ маннык кэпсээтэ:
— Нам улууһун олохтоохторун 86,82 % өрөспүүбүлүкэ Ил Дарханын быыбарыгар бэйэлэрин куоластарын Айсен Николаев туһугар биэрдилэр. Оройуон бары 27 уокуругар быыбар чуумпутук, ханнык да кэһиилэрэ суох ааста. Саха сирин Уопсастыбаннай палаататын, дьахтар сэбиэтин чилиэннэрэ аҕытаассыйа хампаанньатын бэркэ ыыппыттара. Кинилэр нэһилиэктэринэн сылдьан олохтоохтордуун көрсүбүттэрэ, хас да флешмобу ыыппыттара уонна отчуттарга кытта тиийэ сылдьыбыттара.
Быыбарга аан бастаан кыттааччыларга өйдөбүнньүк сувенирдары туттарбыттара.
Быыбар күн Нам сэлиэнньэтин киин болуоссатыгар күһүҥҥү дьаарбаҥка тэриллибитэ. Дьон бэйэлэрин оҕуруоттарын аһын атыылаабыттара. Онон улууспутугар быыбар норуот бырааһынньыгын курдук ааста.
This post was published on 10.09.2018 15:18 15:18