«Муус устар-2023» бэстибээл чэрчитинэн ыытыллар «Лидеры Юнармии» профессиональнай маастарыстыба куонкурсун регионнааҕы түһүмэҕэр сайаапка тутуутун болдьоҕо кулун тутар 23 күнүгэр диэри уһатылынна.
Өрөспүүбүлүкэҕэ кыайбыттар Россия таһымыгар кыттар быраабы ылаллар. Куонкурус кэтэхтэн буолар.
Куонкурус «Юнармия» кыттааччыларын уонна настаабынньыктарын патриотическай иитии эйгэтигэр улахан түмүккэ мотивациялыыр. «Исследователь», «Атлет», «Защитник», «Лучший наставник ВВПОД «Юнармия», «Лучший начальник штаба местного отделения ВВПОД «Юнармия» уонна «Лучший руководитель юнармейского отряда» номинациялардаах.
Хас биирдии номинацияҕа кыайыылаахтар быһаарыллаллар, кинилэр үлэлэрин Россиятааҕы түһүмэххэ ыытыллар, онлайн буолар.
Саха сиригэр «Юнармия» 2016 сыл бэс ыйын 8 күнүттэн саҕаламмыта. 31 олохтоох отделение уонна 218 этэрээт арылынна, онно 7770 кыттааччы 8 — 18 саастарыгар диэри киирэллэр.
