Госдумаҕа бастакы оҕону көрөн олорор дьон босуобуйатын алын кээмэйин икки төгүл улаатыннарар туһунан сокуон барылын үһүс ааҕыыга ылынна.
Босуобуйа кээмэйин улаатыннарар туһунан этиини ыам ыйын 11 күнүгэр РФ Президенэ Владимир Путин иһитиннэрбитэ. Кини этэринэн, ыйыллыбыт өйөбүлү үлэтэ суох дьон, ол иһигэр устудьуоннар ылаллар. Бэлиэтиир буоллахха, бу судаарыстыба өйөбүлүн социальнай көмөҕө наадыйар эдэр ыаллар туһаныахтара.
1995 сыл бэс ыйын 1 күнүттэн «Оҕолоох гражданнарга судаарыстыбаннай босуобуйа туһунан» 81 №-дээх федеральнай сокуонунан бигэргэммит оҕону көрөн олорор босуобуйа алын кээмэйин базовай чааһа 6 752 солк. диэри үрдүүр. Үлэтэ суох 1,5 сааһыгар диэри оҕо көрөн уоппускаҕа олорор ийэлэргэ төлөнөр.
Ыйыллыбыт босуобуйа кээмэйэ оройуоннааҕы коэффициенынан маннык кээмэйинэн ананыаҕа:Маннык өйөбүлү бэс ыйын 1 күнүттэн 3 тыһ. тахса ийэ туһаныаҕа.
Сылга биирдэ олунньу 1 күнүттэн ыйга биирдэ бэриллэр бастакы оҕону көрөн олорор дьон босуобуйата РФ Бырабыыталыстыбатын быһаарыытыгар сөп түбэһиннэрэн индексацияланар.
This post was published on 03.06.2020 18:01 18:01