Саха сирин дьарыктаах буолуу сулууспата үлэтэ суох дьону 70 араас идэҕэ уһуйар. Үлэтэ суох эбэтэр үлэтэ суох хаалбыт дьон үс ый иһигэр саҥа идэни баһылаан, үлэ булунуохтарын сөп. Бу туһунан дьарыктаах буолууга судаарыстыбаннай кэмитиэт бэрэссэдээтэлин э.т. Елена Калашникова иһитиннэрэр.
Ордук араас категориялаах суоппардар, бульдозеристар, погрузчиктар, слесарьдар, хочуолунай оператордара, электромонтер, асчыт, баттах кырыйааччы, бухгалтер идэлэригэр уһуйалларын этэр. Үөрэхтэр ортотунан үс ый уһуннаахтар. Идэни баһылааччы үөрэҕин туоһулуур диплому, сибидиэтэлистибэни, дастабырыанньаны тутар. Үөрэххэ онлайн «Работа в России» порталга эбэтэр дьарыктаах буолуу кииннэригэр тиийэн сурутуохха сөп.
This post was published on 25.05.2021 15:02 15:02