«Бу өҥөнөн «Работа России»портал нөҥүө уонна өрөспүүбүлүкэ дьарыктаах буолуутугар кииннэргэ тиийэн билсиэххэ сөп», – диэтэ Светлана Горюшинская.
Үлэ ырыынагын, идэни уларытыы бырагыраамаларын, эдэр исписэлиистэргэ уонна выпускниктарга көмө миэрэлэр тустарынан ыйытыылар киирдилэр. Салайааччы региоҥҥа үлэтэ суох буолууну аҕыйатыыга былаас ылынар миэрэлэрин уонна «Работай в Якутии» ыччат бэстибээлин туһунан кэпсээтэ. Светлана Горюшинская бэлиэтээбитинэн, тэрилтэлэр кадрга наадыйыыларыгар тохтоло суох үлэ ыытыллар, вакансия дьаарбаҥкалара, үлэҕэ киирии уонна социальнай адаптация туһунан кэпсээтэ.
Холобур «Помощь в трудоустройстве молодых специалистов и выпускников» бырагыраама 2030 сылга диэри ыччаты дьарыктаах оҥорууга үлэлиирин эттэ. Өрөспүүбүлүкэҕэ «Работающая Якутия. Выпускник» бырайыак эмиэ баар, манна олоҕуран 2030 сылга диэри выпускниктар идэлэринэн үлэ булууларын 75% тириэрдиллиэхтээх.
Региоҥҥа «Молодёжный кадровый центр» (МКЦ) үлэлиир, ыччакка араас көмө миэрэни оҥорор, үлэнэн хааччыллыыларыгар. Кылгас кэм иһигэр тэрилтэ 10-тан тахса тэрээһини ыытта, 11 тыһыынчаттан тахса киһини хапта.
Өрөспүүбүлүкэҕэ инбэлииттээх дьон үлэҕэ киириилэригэр улахан болҕомто ууруллар. Региоҥҥа кинилэргэ анаммыт үлэ миэстэтин туһунан сокуон баар, «Работающая Якутия. Инклюзия» бырагыраама үлэлиир. «ИНВА-ЭКСПО» быыстапка-дьаарбаҥка тэриллэрэ былааннанар.
