Саха Өрөспүүбүлүкэтин тутууга уонна дьиэни-уоту кэтээhиҥҥэ судаарыстыбаннай Управлениетын ирдэбилинэн Ленскэй куоратыгар дьиэ сарайын өрөмүөннээтилэр.
Ленскэй куоратын Орджоникидзе уулуссатын 27№-дээх дьиэтин олохтооҕо дьиэни-уоту кэтээhиҥҥэ судаарыстыбаннай Управлениетыгар сарай тэстэн, кыбартыыратыгар уу түһэрин туһунан үҥсүү түһэрбит. Олохтоохтор саас-күһүн итиэннэ ардах кэмигэр эрэйдэнэллэрин ыйбыттар.
Управление инспиэктэрэ бэрэбиэркэ түмүгүнэн үҥсүү оруннааҕын бигэргэппит итиэннэ «ЛПЖХ» салайар хампаанньаҕа итэҕэһи суох оҥороругар сорудахтаабыт.
Управление салайааччыта Павел Аргунов сарай тэстиитин салайар хампаанньа мэлдьи ыытар бэрэбиэркэтин кэмигэр булуохтааҕын уонна тутатына өрөмүөннүөхтээҕин этэр. «Хомойуох иһин салайар хампаанньалар бытааннар. Ол иһин олохтоохтор биһиэхэ үҥсэллэр. Ити куһаҕан, салайар хампаанньалар уталыппакка итэҕэһи суох оҥоурохтаахтар», — диир кини.
This post was published on 08.07.2021 16:01 16:01