Ленскэй улууһугар 3-с группалаах инбэлиит баанын суотуттан 1 мөл. солкуобайтан ордугу уорбуттар. Уоруйаҕы киһини 3 сылга болдьохтоох көҥүлүн быстылар, диэн СИА кэпсиир.
«Инбэлииттэн уорбут харчытын уоруйах төннөрбөтөх. Итинэн сибээстээн, оройуон прокуратурата эмсэҕэлээбит киһиэхэ 1 мөл. солк. тахса суумалаах үп- харчы хоромньутун толуйууга суукка иск биэрдэ», — диэн биэдэмистибэ пресс-сулууспата иһитиннэрдэ .Суут прокурор сайабылыанньатыгар толору кээмэйинэн сөпсөстө.
Суут быһаарыыта сокуоннай күүһүгэр киирэ илик уонна өрүттэрүҥсүү сурук суруйуохтарын сөп.
