3 От ыйа 03.07
  • -7°
  • $ 104,68
  • 115,6

Ленскэй, Аллараа, Үөһээ Халыма улуустара ХИФУ выпускниктарын үлэҕэ ыҥыраллар

ХИФУ выпускниктара Ленскэй, Аллараа, Үөһээ Халыма бэрэстээбиитэллэрин кытары онлайн көрүстүлэр. Өрүттэр үлэ миэстэтин, үлэ, олох-дьаһах усулуобуйатын кэпсэттилэр.


Быйыл ХИФУ-ну 3019 исписэлиис бүтэрэрин туһунан университет үлэлээх буолуу Киинин салайааччыта Моисей Дьячковскай биллэрдэ.

«Выпускниктары үлэнэн хааччыйыы үлэтэ олунньу 26 күнүгэр диэри салҕаныа. Үөрэхтэрин салгыан баҕалаахтарга 1077 үөрэх бырагыраамата тэриллиэ», — диэтэ кини.

Ленскэй оройуонугар  үөрэх салаатыгар 58 исписэлиис ирдэнэрин туһунан Ленскэйдээҕи үөрэх управлениетын салайааччытын солбуйааччы Изумира Корнилова иһитиннэрдэ. «Биһиэхэ математика, история, информатика, нуучча тылын, литературатын, география учууталлара наадалар. Эдэр исписэлиистэргэ дьиэ куортамыгар 150 тыһ солк көрөбүт. Бүддьүөт үлэһиттэригэр анаан 20 кыбартыыралаахпыт», — диэтэ кини.

Аллараа Халыма дьаһалтатын социальнай бэлиитикэҕэ управление салайааччыта Наталья Прокопьева доруобуйа харыстабылыгар терапевт, ЛОР, хирург, офтальмолог быраастар наадаларын эттэ. Үөрэх салаатыгар — математика, нуучча тылын, литературатын, география учууталлара. Чуолаан «Земскэй учуутал» бырагырааманан Черскэй бөһүөлэгэр математик наадатын иһитиннэрдэ. Исписэлиис оскуола саҥатын, 400 үөрэнээччилээҕин эттэ. Биир хостоох толору хааччыллыылаах дьиэҕэ олорор кыах баарын эбэн эттэ.

Үөһээ Халымаҕа 25 вакансия баарыттан: 17-тэ үөрэх эйгэтигэр, үһэ Зырянкатааҕы нефтебазаҕа, 5 – доруобуйа харыстабылыгар. «Биһиэхэ уопсай быраактыка быраастара итиэннэ ЛОР, дерматолог, инфекционист наадалар. Оскуолаҕа начаалынай кылаастар учууталлара, физика, биология, химия уо.д.а. биридимиэттэргэ учууталлар наадалар. Эдэр үлэһиттэргэ толору соцпакет биэрэбит», — диир дьаһалта исписэлииһэ Александра Павлова.

Следите за самым важным и интересным в Telegram-канале и WhatsApp-группе ЯСИА
0
0