Бу нэдиэлэҕэ Дьокуускайга Ленин проспегынан уопсастыбаннай тырааныспар сырыыта саҕаланыаҕа. Ол туһунан бүгүн, сэтинньи 27 күнүгэр, куорат дьаһалтатын мунньаҕар мэр Евгений Григорьев эттэ, диэн «Эхо столицы» хаһыат суруйда.
«Бу нэдиэлэҕэ Ленин проспегынан оптуобустар сырыыларын саҕалыахха», — Григорьев тылларын хаһыат суруйда.
Санаттахха, оптуобустар сырыылара суол үлэтин «сөптөөх» диэн туттахтарына уонна проспект инфраструктурата бэлэмнэннэҕинэ арыллыахтаах. Эрдэ уопсастыбаннай тырааныспардар сырыыларын хаста да көһөрбүттэрэ.
Реконструкция «Безопасные качественные дороги» национальнай бырайыагынан ыытыллар.
This post was published on 27.11.2023 10:33 10:33