Өлөөннөөҕү кииннэммит библиотекаҕа «Үлэнэн дьолломмут Өлөөн дойдута» диэн кинигэ сүрэхтэниитэ ыытылынна.
«Үлэнэн дьолломмут Өлөөн дойдута» кинигэни эрэдээксийэ үлэһиттэрэ Стручков Н.М., Ниманов Н.В., Дмитриева С.С. оҥордулар. Кинилэр «Сардаҥа» хаһыакка араас сылларга бэчээттэн тахсыбыт уопсастыбаннай кэрэспэдьиэннэр уонна хаһыат үлэһиттэрин матырыйаалларын түмтүлэр.
Кинигэҕэ Өлөөн улууһун сайдыытыгар бэйэлэрин кылааттарын киллэрбит 85 үлэ-тыыл бэтэрээнин туһунан ыстатыйалар, ахтыылар киирдилэр. Бу кинигэ «Өлөөн эбэҥки национальнай оройуонун библиотеката» серияҕа киирэн, ааҕааччы киэҥ эйгэтигэр ананар.
Тирааһа 500 экземпляр.
