«Ленатурфлот» навигацияны үһүс социальнай бырайыагынан түмүктүүр. Балаҕан ыйын 12-14 күннэригэр компания доруобуйа харыстабылын министиэристибэтин кытта Дьокуускай – Өлүөнэ очуостара – Дьокуускай хайысханан доруобуйаны чэбдигирдэр айаҥҥа ыҥырар.
«Ленатурфлот» ХЭТ салайааччыта Евгений Бало этэринэн, бырагыраама быһыытынан кардиолог, невролог, гастроэнтеролог, пульмонолог, эндокринолог, дерматолог уонна отоларинголог быраастар толору диагноһы оҥоруохтара, сүбэ-ама биэриэхтэрэ. Ону таһынан саахарга, холестериҥҥа аназиз оҥоһуллар, УЗИ, ЭКГ, доруобуйа туругун тупсарар физкультура, эмтиир массаж баар.
Дьон пааспардаах, СНИЛС уонна медицинскэй полистаах (баар буоллаҕына амбулаторнай каарта) кэлиэхтээхтэр.
«Михаил Светлов» теплоходка 46 чаас устата айан, сыаната аһы киллэрэн туран 7500 солк.
This post was published on 23.08.2016 14:10 14:10