Регион баһылыга Айсен Николаев 2024 сылы өрөспүүбүлүкэҕэ Оҕо саас сылынан биллэрбитэ. Оҕо сайдыытыгар саҥа кыахтары туттууну Ил Түмэҥҥэ этиитигэр чуолкайдаабыта.
«Хас биирдии оҕо сайдар бырааптаах, кыаҕы барытын туһанан, талаанын арыйыахтаах, дьоҕурун көрдөрүөхтээх», — диэн бэлиэтээбитэ Айсен Николаев.
Оҕо саас сылыгар ханнык уларыйыылар баалларый:
— элбэх оҕолоох дьиэ кэргэн улахан кылааска үөрэнэр оҕото орто анал үөрэххэ үөрэнэр төлөбүрдэрин компенсациялыырга 50 тыһ солк сертификат бэриллэр;
— «Моя первая зарплата» эрдэҕэс оҕо үлэҕэ көҕүлээһинин өйүүр бырагыраама саҕаланыаҕа;
— 7 — 13 саастаах үөрэнээччилэр «Пушкинскай каарта» курдук «Карта юного жителя Якутии» диэни ылыахтара;
— 20-тэн итэҕэһэ суох сертифицированнай оҕо экскурсиялыыр уонна туристыыр маршруттара арыллыахтара;
— «Саха»НКИХ саҥа оҕо ханаала баар буолуоҕа.
2024 сылга Дьокуускайга сылы эргиччи үлэлиир «Полярная звезда» оҕо киинэ арыллыаҕа, Мииринэйгэ Оҕо дыбарыаһа үлэтин саҕалыаҕа, дистанционнай технологиялары туттар үөрэх киинэ тэриллиэҕэ.
Маны сэргэ Ил Дархан Россия таһымыгар ыытыллар олимпиадалар кыайыылаахтарын уонна призердарын харчынан бириэмийэлиэҕэ.
