2023 сыл тоҕус ыйын түмүгүнэн, Дьокуускайга «Үлэ кыбаартала» креативнай кластер резиденнэрин дохуота 1,5 млрд солк куоһарда. Ол туһунан бырабыыталыстыба бэрэссэдээтэлин солбуйааччыта Анатолий Семенов иһитиннэрдэ, суруйда регион салалтатын пресс-сулууспата.
«Үлэ кыбаартала» «Якутия» инникилээн сайдар территорияҕа (ТОР) киирсэр. Кластерга преференцияттан киирэр экономика көрдөрүүтэ 2023 сылга 40 мөл солк, диэтэ Семенов. Саха сирин экономикатыгар киирэр инвестиция уопсай иэнэ бүтэһик биэс сылга 2 трлн солк буолла.
Креативнай кластерга 70 тэрилтэ баар, кинилэр 527 миэстэтин таһаардылар. Анатолий Семенов үчүгэй ситиһиилээх бырайыактарынан — Most сыһыарыыны уонна «Маркетплейс» уонна «Сертификаты» сервистэри ааттаталаата.
Бырайыактар өрөспүүбүлүкэҕэ саҥа үлэ миэстэтин таһарыылара саамай суолталаах хайысхаларынан буолар, билигин 9,1 тыһыынча буолла, бу чыыһыла 11,8 тыһыынчаҕа тириэрдиллиэхтээх.
