Бэс ыйын 20 күнүгэр Саха сирин аҕыс олохтооҕор «Үлэ бэтэрээнэ» дастабырыанньаны уонна бэлэх туттардылар. Дьаһал региоҥҥа Үлэ сылыгар ананна.
Ол туһунан МФЦ пресс-сулууспата иһитиннэрдэ. «Саҥа» үлэ бэтэрээнэ Лилия Захаркина эппитинэн, кини үлэтэ 17 сааһыттан саҕаламмыт. Бастаан ыанньыксыттаабыт, онтон сэкирэтээрдээбит, салгыы култуура эйгэтигэр 28 сыл ыстаастаах, билигин циркаҕа үлэлиир.
Үлэ миниистирин солбуйааччыта Альбина Трубина бэтэрээннэри эҕэрдэлээтэ уонна килбиэннээх үлэлэрин иһин махтанна. Кини бэтэрээннэр эдэрдэргэ аҕа сүбэһит буолалларыгар эрэллээҕин биллэрдэ.
Үлэ бэтэрээннэригэр социальнай өйөбүл миэрэлэрин уонна «Карта жителя Якутии» туһунан кэпсээтилэр.
