14 От ыйа 14.07
  • 31°
  • $ 87,74
  • 95,76

Лайка боруодалаах ыттар эһэҕэ бултааһын тургутуутун ааһыахтара

15:57, 09 августа 2016
Читайте нас на
Яндекс Новости
ЯДВ

Атырдьах ыйын 20 күнүгэр Майа сэлиэнньэтиттэн 5 км. тэйиччи сиргэ Кыымаан питомник сиригэр-уотугар лайка боруодалаах ыттар баайыылаах эһэҕэ хайдах бултуулларын тургутан көрөр үгэскэ кубулуйбут тэрээһин ыытыллар.


«Быйылгы күрэхтэһиини бүтүн Россиятааҕы таһымнаах экперт А.О.Молчанов судьуйа быһыытынан сыаналыаҕа. Ыттары тургутан көрүүгэ сайаапкалар киирэ тураллар. Манна лайка боруодалаах ыт бары көрүҥнэрэ кытталлар», — диэн тэрийээччи «Кыымаан» булт кулуубун салайааччыта Александр Тастыгин СИА-ҕа эттэ.

Манна ыттары сыаналыырга туспа критерийдэр бааллар. Ол курдук, ыт хорсуна, эһэни төһө үрэрэ, кырыктааҕа, куолаһа, сымсата-сылбырҕата барыта аахсыллар. Урукку тургутуулар араас түмүгү көрдөрбүттэрин сэҥээрээччилэр бэрт үчүгэйдик билэр буолуохтаахтар.

«Кыымаан» булт кулуубун салайааччыта Александр Тастыгин этэринэн, ыттар эһэҕэ хайдах бултуохтарын сөбүн тургутуу таһынан ыттары көрүөхтэрэ.

Тэрээһиҥҥэ кыттарга тустаах ирдэбиллэр бааллар, ону тэрийээччилэртэн 754-999, 755-023 нүөмэрдэргэ эрийэн билсиэххэ сөп.

Следите за самым важным и интересным в Telegram-канале и WhatsApp-группе ЯСИА