Өлүөнэ өрүс учаастактарыгар муус үөскээн эрэрэ бэлиэтэнэр. Быйыл урукку сыллары кытары тэҥнээтэххэ, өрүс хойутаан мууһурда.
Дьокуускайдааҕы УГМС иһитиннэрэринэн, Кэбээйи улууһун Сангаар бөһүөлэгин таһыгар уонна Эдьигээҥҥэ Өлүөнэ өрүскэ туруктаах муус үөскээһинэ түөрт хонугунан хойутаан иһэр.
Покровскай-Дьокуускай учаастагар өрүс алтынньы 20-22 күннэригэр мууһуран саҕалыырын билгэлииллэр, бу эмиэ урукку сыллары кытары холоотоххо орто көрдөрүүттэн 5-7 хонугунан хойутаан иһэр.
This post was published on 17.10.2023 15:03 15:03