Өлүөнэ эбэҕэ икки сиринэн паромунан туоратар сир үлэлиир: Дьокуускай — Аллараа Бэстээх уонна Жатай — Төхтүр хайысхаларынан.
Тырааныспар министиэристибэтэ иһитиннэрбитинэн, Аллараа Бэстээх хайысхатыгар икки паром буксир арыалдьыттаах сылдьар.
Жатай — Төхтүр хайысханан «ЛОРП» биир парома ледокол сыһыарыылаах айанныыр. Жатайтан арахсар бириэмэтэ — 13.00 чаас, массыына туолуутунан.
