Өлүөнэ өрүскэ муус ааһар кэмигэр Дьокуускайга 204 түөлбэттэн «Намыв» ыстаансыйаттан Аллараа Бэстээх хайысханан урбаанньыттарынан 26 салгын олбохтоох суудуналарынан уонна 6 аэроботтарынан пассажирдары таһыы оҥоһуллар, суруйда Саха сирэ саайт.
Тарыып сыаната — 5000 солк. Көмүөл мууһа ааһар кэмигэр балаһыанньа уустугурдаҕына «Полярные авиалинии» АХ Ми-8 бөртөлүөтүнэн пассажирдары таһыыны былаанныыр. Дьону таһыы Маҕан — Павловскай хайысханан оҥоһуллуоҕа. Тарыып сыаната — улахан дьоҥҥо — 6,5 солк., оттон 2-12 саастаах оҕолорго — 50%-наах чэпчэтии көрүллэр. Билиэти «Полярные авиалинии» АХ Маҕан филиалын кассатыгар уонна Павловскайга бөртөлүөт түһэр былаһааккатыгар атыылыаһыахха сөп (төл. 406-036), диэн СӨ Тырааныспарга министиэристибэтэ иһитиннэрэр.
