Россия ЫБММ регионнааҕы управлениета иһитиннэрбитинэн, Өлүөнэ өрүс сүрүн мууһун алын кырыыта Хаҥалас Покровскайыттан 52 км үөһэ баар. Уу таһыма тыҥыыһыннаах кирбииттэн намыһах, муус хойуу.
Муус үөһээҥҥи бүүрүгэ Өлүөхүмэ улууһун Дабааныгар кэлбит. Муус уһуна 564 км. Суукка устатыгар муус 180 км. хамсаабыт.
Алдан сүрүн мууһун аллараа кырыыта — Кэбээйи Батамайын таһыгар. Уу таһыма нуорматтан тахсыбат.
Муус үөһээҥҥи кырыыта Томпо Охотскай Перевоһын аттыгар.
Бүлүү өрүһүн мууһун үөһээ өттө Бүлүү куоратыгар. Уу таһыма 356 см. Манна уу 1335 см диэри үрдээтэҕинэ ыксалаах быһыы-майгы үөскүөн сөп, муус хойуута суох.
