Саха сирин сиригэр-уотугар гидрологическай быһыы-майгы сылыктааһын хоту сайдан иһэр, критическэй таһымнаах уу бэлиэтэнэ илик. Саха сирин территориятыгар Арассыыйа ЫБМ регионнааҕы салалтатын 44 киһитэ уонна 14 тиэхиникэтэ үлэлии сылдьар. Өлүөнэ өрүс мууһа актыыбынайдык Өлүөхүмэ улууһун сиригэр уста сытар, алын кырыыта Өлүөхүмэ оройуонун Хоро нэһилиэгиттэн 30 км аллара сытар, уу таһыма 668 см тэҥнэһэр, үрдүкү кырыыта 1 Нөөрүктээйигэ, уу таһыма критическэйигэр 1000 см тэҥнэһэр.
Муус уһуна-150 км., сууккаҕа 70 км. хамсыыр. Гидрометеосулууспа сылыктыырынан, Дьокуускай куорат анныгар өрүс мууһа ыам ыйын 18-19 күннэригэр арыллара күүтүллэр.
Өлүөхүмэ өрүскэ уу таһыма кыратык халбаҥныыр, Дьикимдэ – Куду – Күөл учаастагар муус үөһээ таҕыста, уу таһыма сууккаҕа 60-90 см үрдээн иһэрэ сабаҕаланар. Чаара өрүскэ уу таһыма 370 см, критическэй буоллаҕына 870 см тэҥнэһэр, муус хамсыыр. Ыам ыйын 15-16 күннэригэр Дьикимдэ – Куду- Күөл учаастагар өрүс арыллыыта күүтүллэр.
