Өлүөнэ мууһа Ленскэйи ааһа илик. Номнуо хаһыс да күнүн биир сиргэ турар. Арай Солянка, Саҥыйахтаах аннынан муус хамсаан, бытааннык да буоллар устан эрэр.
Быйыл Халыма улуустарыгар хаһааҥҥытааҕар да элбэх хаар түһэн, ыам ыйын бүтүүтэ хоту улуустарга уу таһыма үрдүөн сөп.
Оттон өрөспүүбүлүкэ мантан атын өрүстэригэр балаһыанньа чыҥха атын. Ньүүйэ өрүс Орто Наахара, Курум аннынан халҕаһалыы уста турар. Өлүөхүмэ өрүс уутун таһыма Куду Күөл аннынан 573 см тиийдэ, көмүөл мууһа уста турар.
Алдан. Ыам ыйын 12 күнүн сарсыада 8 чаастааҕы бэлиэтээһининэн, Белькачинан уу таһыма 1196 см тиийдэ. Бэҕэһээҥҥиттэн арыый түспүт. Мууһа устар.
This post was published on 12.05.2017 10:55 10:55