Өлүөнэ эбэнэн айан алтынньы саҥатыгар диэри салҕаныа. Анал тырааныспардар уу уолуутуттан тутулуктаныахтара суоҕа. Бу туһунан СИА-ҕа «Ленатурфлот» тэрилтэҕэ эттилэр.
Санатар эбит буоллахха, быйыл итииттэн, сааскы халаан кэмигэр өрүстэр мөлтөхтүк арыллан уонна Саха сиригэр сөҥүү түһүүтэ аҕыйах буолан, билигин уу лаппа түһэн турар. Элбэх киһи, эрдэ билиэттэрин атыыласпыттар, билигин рейстэр тохтууллара буолуо диэн дьаарханаллар.
«Барыта былаан быһыытынан баран иһэр. Расписаниеттан хаалыы графигы уларытыыны кытта сибээстээх, ол эбэтэр тоҕус рейс оннугар — аҕыс айаҥҥа турар буолла. Бүтэһик рейс алтынньы саҥатыгар хайаан да эрэсиим быһыытынан барыаҕа«, — диэн хампаанньа агентствоҕа иһитиннэрдэ.
