Тутааччылар Саха сиригэр Өлүөнэ муостатын хаҥас биэрэгэр эстакадатын үс тирэҕэр 71-с сыбаайаны бетоннаан бүтэрдилэр. Бырайыак быһыытынан Старая Табага сэлиэнньэтигэр түөрт тирэх 103 сыбаайаҕа туруохтаах. Биир тирэх ууга турар, онно үлэ бу күһүн салҕаныаҕа, иһитиннэрдэ регион салататан пресс-сулууспата.
Сотору кэминэн сыбаайа туруоруута Өлүөнэ эбэ уҥа өттүгэр саҕаланыаҕа. Онно бетону оҥорор собуот тутулунна, икки сири дьөлө үүттүүр техника таҥылынна, 120 армокаркас оҥоһулунна. Тамма үрэх сүнньүн уларыталлар, сир үлэтэ 90% туолла.
Өлүөнэ муостатын тутууга 150 киһи уонна 55 техника үлэлиир. Саха сириттэн бэдэрээттиир тэрилтэлэр бааллар. Олохтоох тутааччылары бырайыакка муҥутуурдук сыһыарыы — концессионердар иннилэригэр туруоруллар сүрүн сорук буолар.
This post was published on 17.03.2025 09:55 09:55