РФ Бырабыыталыстыбатын бэрэссэдээтэлэ Михаил Мишустин Уһук Илини 2024 — 2035 сылларга сайыннарыыга Национальнай бырагырааманы бигэргэттэ. Докумуоҥҥа Саха сиригэр Дьокуускай аннынан Өлүөнэ муостатын тутуу киллэрилиннэ, СИА иһитиннэрэр.
Саха Өрөспүүбүлүкэтин социальнай-экономическай сайдыытын түргэтэтии, докумуоҥҥа сурулларынан, регион салалтата билигин ыыта сылдьар үгүстүк этиллибит миэрэлэригэр олоҕуран ыытыллар.
“Инфраструктура сайдыытын эйгэтигэр түргэтэтии, 2024 сылы хабан туран, Дьокуускай аннынан Өлүөнэ эбэни туоруур муоста тутуутун кытта ыкса сибээстээх”, — диэн тосхолго суруллар.
Атын пууннарга киирсэр: Денисовскайдааҕы, Нежданинскайдааҕы уонна Инаглинскайдааҕы хайаны байытар кэмбинээттэр, Томтордооҕу ниобий сиртэн хостонор баайдаах сир бырайыактарын кыахтарыгар тахсыыллара, Эльгатааҕы чох комплексын тутуу, Жатайдааҕы судоверфь тутуута, Аллараа Бэстээхтээҕи грузовой терминал тутуута уонна да атыттар. Толору испииһэги манна билсиэххитин сөп: Национальнай стратегия тиэкиһэ.
Өлүөнэ муостата Старай Табаҕа сэлиэнньэтиттэн тардыллан, Мэҥэ Хаҥалас Хаптаҕайыгар тиийэр. Транспортнай-логистическай ситим арыллар, манна хас да федеральнайдааҕы маршрут киирэр: тимир суол, уу уонна авиация, маны сэргэ «Бүлүү», «Өлүөнэ» уонна «Халыма» айан суоллара.
