Өлүөнэ муостатын инфраструктуратын элэмиэннэрин тутуу салҕанар. Халлаан төһө да тымныйдар, кыһыҥҥы өттүнээҕи үлэ технологическай уратыны учуоттаан туран ыытыллар. Бу туһунан «ВИС» бөлөх пресс-сулууспата иһитиннэрэр, суруйда Саха сирэ саайт.
Үлэ тохтоло суох барарын курдук муоста тутуутун былаһааккатыгар кыһыҥҥы өттүгэр үлэлиир усулуобуйа инфраструктурата тэриллибит. Ол курдук, төгүрүк сыл устата бетонунан хааччыйар бетон собуота, армакаркаас оҥорор сыах, икки сылаас гараас, тутуу матырыйаалын хаһаанар икки сылаас ыскылаат баар. Өлүөнэ уҥа биэрэгэр буровой хаһыы үлэлэрэ көхтөөхтүк ыытыллаллар. Сыбаайалар сэттэлии тирэхтээх түһэллэр. Номнуо 70 сыбаайа бэлэм.
Өлүөнэ муостатын бырайыагын «ВИС» бөлөх концессионай сөбүлэҥ чэрчитинэн тутуллар уонна хонтуруолга илдьэ сылдьар. Саха сиригэр Өлүөнэ муостата — ураты бырайыак. Маныаха майгынныыр бырайыак аан дойдуга суох.
This post was published on 18.11.2025 19:07 19:07