29 Кулун тутар 29.03
  • -15°
  • $ 92,26
  • 99,71

Өлүөнэ муостатын тутуу дирекциятыгар уопсастыбаннай сэбиэт тэриллиэҕэ

Читайте нас на
Яндекс Новости
ЯДВ

Өлүөнэ муостатын тутуу дирекциятыгар интэриэстээх тэрилтэлэри түмэргэ сорук туруорулунна. Бу туһунан НКИК «Саха», «Якутия 24» телеханаалларынан уонна «Тэтим» араадьыйанан бырабыыталыстыба отчуотун кэмигэр бэрэссэдээтэли бастакы солбуйааччы  э.т. Дмитрий Бердников эттэ, суруйар СИА.


«Дирекция – салайар уорган, элбэх эбээһинэһи ылынар. Эбийиэк тутуутугар интэриэстээх министиэристибэлэри, тэрилтэлэри түмэр. Хонтуруоллуур хайысхалаах. Эбийиэк тутуутугар биэдэмистибэлэри кытта бииргэ үлэлээһиҥҥэ улахан эппиэтинэстээх», — диэтэ Дмитрий Бердников.

Салайааччы быһаарбытынан, дирекцияҕа уопсастыбаннай сэбиэт тэриллиэҕэ.

«Үтүөлээх дьон сэбиэттэрэ буолуоҕа — ыарахан усулуобуйаҕа суолу тутууга кыттыыны ылбыттар киириэхтэрэ. Үлэ элбэх буолуоҕа. Олус сиэрдээх уорган быһыытынан билиниллиэҕэ», — диэтэ кини.

Следите за самым важным и интересным в Telegram-канале и WhatsApp-группе ЯСИА