Өлүөнэ эбэнэн салгын олбохтоох суудуналар сылдьыахтара

Дьокуускайтан Аллараа Бэстээххэ диэри 30 көлө сыыйылыннара айанныаҕа. Кангалас — Суотту хайысханан биэс техника үлэлиэҕэ.

«Билиэт сыаната 2500 солк элбиэ суохтаах. Ити эрээри гидрологическай балаһыанньа мөлтүүр кэмигэр, айан иһин төлөбүр сыаната 5000 солк кылгас кэм иһигэр буолуон сөп, аэроботтарга көһүү тэрээһинэ баар буоларынан», — диэн тырааныспар миниистирин бастакы солбуйааччыта Анатолий Потапов эттэ.

Маны сэргэ, халаан уута ааһар кэмигэр «Полярные авиалинии» бөртөлүөттэрэ пассажирдары таһыахтара.

Санаттахха, муус устар 15 күнүттэн Өлүөнэ, Бүлүү, Алдан, Амма эбэлэринэн муус суол сабыллар. Хотугу уонна Арктика улуустарыгар — муус устар 20 — 25 күннэригэр буолуоҕа.