«ВОЛС киириитигэр кыттыыны ылбыппар үөрэбин. Ыраах сытар сэлиэнньэлэр Тээнэ уонна Бэс Күөл цифровой эйгэҕэ киирдилэр, муҥура биллибэт кыахха үктэннилэр. Оҕолор тустарыгар үөрэбин, саҥа хаачыстыбалаах үөрэҕи ылыахтара. «Нордголд» хампаанньаҕа махтанабын, социальнай хайысхалаах үлэни ыытарын иһин. Ааспыт сыллааҕы дуогабарынан быйыл түргэн интернет Өлүөхүмэ нэһилиэктэригэр киирдэ. Өрөспүүбүлүкэ уонна хампаанньа ардыгар үлэ маннык салгыы салаллан барарыгар эрэллээхпин », – диэтэ Айсен Николаев.
Токко – Бэс Күөл – Тээнэ ситим 2023 сыллаахха «Нордголд Менеджмент» уонна Саха сирин инновацияҕа пуондатын ардыгар түһэрсиллибит дуогабарга олоҕуран тардылынна. Операторынан буолар — «АрктикТелеком» регион хампаанньата.
«175 килэмиэтир уурулунна. Тутуу биир сыл барда. Олохтоохтор хаачыстыбалаах түргэн интернеттэннилэр», — диэтэ «Нордголд» хампаанньа генеральнай дириэктэрэ Георгий Смирнов.
ВОЛС айан суолун кытыытынан ыытылынна.
This post was published on 12.11.2024 16:01 16:01