“Саҥыйахтаах” ТХПК тырахтарыыстара ыһыы үлэтин ыыта таҕыстылар. Быйыл манна 161 гектарга хортуоппуй олордор баҕалаахтар. “Жуковскай”, “Любава” суортары таһынан түргэнник ситэр “Вармас” суорду олордуохтара.
ulus.media сайтыгар “Саҥыйахтаах” ТХПК кылаабынай инженерэ Степан Ефимов маннык кэпсээтэ:
— Биһиги отделениебытыгар тырахтарыыстар Григорий Фролов уонна Иван Григорьев хонууга үлэлии таҕыстылар. Бу күннэргэ сиик саптарыытын түмүктүүллэр. Марха уонна Маалыкаан отделениеларыгар хорутуу үлэтэ тардылынна. Билигин бу отделениелар механизатордара тиэхиньикэлэрин бэлэмнииллэр, ыһыы сиэмэтин наардыыллар. Бэс ыйын 1 күнүгэр диэри саҥыйахтаахтар ыһыыны түмүктүүр баҕалаахтар.
СИА.
This post was published on 21.05.2018 16:43 16:43