Өлүөхүмэ куоратыгар коронавирус инфекциятын утары охсуһууга миэрэлэр ылыллаллар. Бу күннэргэ элбэх кыбартыыралаах дьиэлэр подъезтарын дезинфекциялааһын ыытыллар.
«Комфорт» УХ салайааччыта И.А. Несмелов эппитинэн, билигин дьиэлэр подъезтарын нэдиэлэҕэ иккитэ сууйаллар-сотоллор. Урукку өттүгэр, кыраапык быһыытынан, биирдэ эрэ ити өҥө оҥоһуллара: субуотаҕа эбэтэр баскыһыанньаҕа.
Сууйууга кирилиэс тутуһар сирдэригэр, ааннар тутаахтарыгар улахан болҕомто ууруллар. «Жавельон» табылыакканы уонна «Доместос» гели тутталлар.
«Сууйууттан-сотууттан аккаастаммыт подъезтардаах дьиэлэр старосталарыгар, эппиэтинэстээх дьонноругар биһигиттэн дезинфекциялыыр сириэстибэлэри ылан сууналларыгар-соттоллоругар сүбэлиибит. Ити эрээри биир да баҕалаах баара биллэ илик«, — диэтэ кини.
Ыйдааҕы төлөбүр тарыыба уларыйбат, ити эрээри үлэһиттэр хамнастарыгар эбиллиэҕэ, диэн суруйар https://ulus.media
This post was published on 27.03.2020 17:29 17:29