Өлүөхүмэ куоракка элбэх кыбартыыралаах дьиэҕэ баһаартан эмсэҕэлээбиттэргэ 940 тыһыынча солкуобайы биэриэхтэрэ. Бу туһунан оройуон дьаһалтата иһитиннэрдэ.
Санатан эттэххэ, баһаар от ыйын 4 түүн Миллер уулуссатын 16 кыбартыыралаах дьиэтигэр буолбута. Икки этээс бүүс-бүтүннүү умайбыта, олохтоохтору барыларын эвакуациялаабыттара.
Резервнэй пуондаттан көрүллүбүт үбү эмсэҕэлээбиттэр тус счеттарыгар түһүөҕэ. Ону сэргэ оройуон дьаһалтатыгар баһаарга эмсэҕэлээбит дьоҥҥо диэн, ыаллыы турар Ленскэй оройуонун дьаһалтата 3 мөл. солк. туттарбыттарын кэпсээтилэр. Бу харчыны эмиэ тустаах дьоҥҥо тиксэриэхтэрэ.
This post was published on 21.07.2023 17:18 17:18