«Сүрэх-тымыр ыарыытын утары охсуһуу» федеральнайдааҕы бырайыак көмөтүнэн Өлүөхүмэ киин балыыһата чуолкай диагностическай ньымалары туһанарга кыаҕы биэрэр, инсульт уонна да атын сүрэх-тымыр ыарыыларын кэнниттэн чөлүгэр түһэр болдьохторун кыччатарга көмөлөһөр үрдүк технологиялаах тэрили ылла.
2025 сыл бастакы аҥаарынааҕы көрдөрүүнэн Өлүөхүмэ киин балыыһата бастакы көмөнү оҥорор тымыр салаатыгар:
— мэйиигэ хаан эргиирэ кэһиилээх (ОНМК) 27 ыарыһах эмтэннэ;
— коронарнай синдромнаах (ОКС) 11 ыарыһахха көмө оҥоһулунна;
— 2 №-дээх өрөспүүбүлүкэтээҕи балыыһа тымыр киинигэр ОКС-тан 11 уонна ОНМК-тан 9 ыарыһах салгыы эмтэнэллэригэр көһөрүлүннэ.
«170 тыһыынчаттан тахса саастаах, доруобуйатынан хааччахтаах дьон “Уһун уонна көхтөөх олох” бырайыак чэрчитинэн уһун кэмҥэ көрүллэр систиэмэнэн хабылынна. Доруобуйа харыстабылын бастакы звенотыгар аныгы инфраструктураны, ол иһигэр тыа сирин ыраах сирдэригэр эмиэ, киллэрэбит», — диэн президент Владимир Путин иһитиннэрдэ.
