Саха сиригэр Өлүөхүмэҕэ бастакы остуруок миэстэтигэр хаһыылары оҥорор былааннаахтар. Чуолкай кыраныыссаны быһаарыыга үлэни 2026 сылга саҕалыыр санаалаахтар. Ол туһунан өрөспүүбүлүкэ култууратын нэһилиэстибэтин эбийиэктэрин харыстааһын управлениетын салайааччыта Николай Макаров социальнай ситимнэргэ кэпсээтэ, суруйар ЯСИА.
«Биһиги эбийиэктэри чөлүгэр түһэриинэн эрэ дьарыктаммаппыт, саҥа пааматынньыктары булууга эмиэ үлэлиибит. Өлүөхүмэ улууһун баһылыга Николай Харбин Өлүөхүмэ куоратын бастакы остуруогун көрдүүр боппуруоһу хас да сыллааҕыта көтөхпүтэ», — диэтэ Макаров.
Кини эппитинэн, информация бастакы остуруок туһунан баар, кыраныыссата биллибэт.
Николай Макаров бэлиэтээбитинэн, Саха сиригэр икки тыһыынча кэриҥэ эбийиэк баар. Олор истэригэр федеральнайдааҕы суолталаах пааматынньыктар 134, регионнааҕы — 453, олохтоох — 344.
This post was published on 24.07.2025 17:48 17:48