Өлүөхүмэҕэ саҥардыллыбыт улуустааҕы киин балыыһа дьиэтигэр онкологическай көмө амбулаторнай киинэ аһылынна.
«Кииҥҥэ “онкопоиск” ыытыахтара, диспансернай кэтэбил, химиотерапия оҥоруохтара, ыарыһаҕы кэтээн көрүөхтэрэ», — диир Өлүөхүмэтээҕи балыыһа кылаабынай бырааһын э.т. Анна Гаврильева.
Киин үөрүүлээх аһыллыыта ахсынньы 9 күнүгэр буолла. Быраастары улуус баһылыгын солбуйааччы Оксана Саввинова, куорат баһылыгын э.т. Сергей Щебляков уонна «Транснефть-Восток» тэрилтэттэн Юрий Воробьев эҕэрдэлээтилэр.
Саха сиригэр уопсайа 13 маннык киин баар. Быйыл онкологическай көмө амбулаторнай киинэ Бүлүү, Ленскэй, Хаҥалас улуустарын киин балыыһаларыгар аһылыннылар. 2024 сылга 18 киин баар буолара былааннанар.
This post was published on 10.12.2020 15:01 15:01