НВК САХА – Саха сирин бырабыыталыстыбата «Ростелеком» хампаанньаны кытары «Удачнай – Харыйалаах – Өлөөн» хайысханан оптоволоконнай ситим тутуутугар бииргэ үлэлэһии туһунан сөбүлэһиигэ илии баттаста.
Сөбүлэһиини Саха сирин Ил Дархана Айсен Николаев, «Ростелеком» хампаанньа бэрисидьиэнэ Михаил Осеевский уонна Өлөөн улууһун баһылыга Александр Иванов V Илиҥҥи экэнэмиичэскэй форум бастакы күнүгэр баттаатылар.
Саха сирэ — Уһук Илиҥҥэ эрэ буолбакка, бүтүн Россия үрдүнэн оптоволоконнай линия ситиминин тардыыга лидер. Бүгүҥҥү туругунан өрөспүүбүлүкэ нэһилиээньэтин 82 %-на интернет ситимигэр холбонно. Былырыыҥҥы сылга өрөспүүбүлүкэ үрдүнэн 2 тыһыынча килэмиэтир оптоволоконнай ситим тутуллубута. Россия сибээһин министиэристибэтиттэн үбүлэммит 1,5 миллиард солкуобайы балтараа тыһыынчаттан тахса социальнай эбийиэктэри кэлэр үс сыл тухары түргэн интернет ситимигэр холбооһуҥҥа ыытыллыа.
Өрөспүүбүлүкэ инновационнай сайдыытын миниистирэ Анатолий Семенов Өлөөн улууһун 2020 сыл бүтүөр диэри үрдүк түргэн интернет ситимигэр холбонуо диэн тириэрдэр.
Источник: http://nvk-online.ru
This post was published on 04.09.2019 10:10 10:10