«Көс оскуола» бырайыак чэрчитинэн 10 миэстэлээх мобильнай оскуола арыллыыта улууска историческай суолталаах буолла.
Олохтоох дьон бу ураты, көс омуктар сайдыыларыгар сүдү оруоллаах дьаһал оҕолор үөрэххэ өссө үрдүк ситиһиилээх буолалларыгар туһалыа диэн үөрүүлэрин биллэрэллэр.
Хотугу аҕыйах ахсааннаах норуоттар үгэскэ кубулуйбут дьарыктарын ыһыктыбакка таба ииттэн, балыктаан, бултаан олороллоругар, оҕолорун аттыларыттан араарбакка бэйэлэрин төрүт идэлэригэр уһуйалларыгар оскуола кыаҕы бириэ.
Оскуола Жатайдааҕы тимиртэн таҥар собуокка тутуллубут. 27 кв. миэтэрэ иэннээх, дьиэ иһигэр бэйэтиттэн ититиллэр хочуоллаах, сырдыгы биэрэр уот мотуордаах, миэбэллээх, баһаартан сэрэтэр сигнализациялаах.
Дьиэ бастакы буоларын быһыытынан, биһиги улууспутугар кэтээн көрүүнү ааһыаҕа диэтилэр, итиэннэ маннык оскуола 10 улууска тиэрдиллэрэ былааннанарын иһитиннэрдилэр.
This post was published on 15.02.2016 17:08 17:08