Кытайга визата суох айан эрэһиимин чэрчитинэн Россия гражданнара биэс сыллаах кыраныысса тас пааспорынан да, 10 сыллаах биометрическэй пааспорынан да киириэхтэрин сөп, диэн кэпсээтилэр РИА Новости КНР миграция дьыалаларыгар судаарыстыбаннай управлениетыгар.
КНР МИД официальнай бэрэстэбиитэлэ Го Цзякунь балаҕан ыйын 2 күнүгэр Кытай балаҕан ыйын 15 күнүттэн Россия дьонугар 30 күннээх визата суох боруобалыыр эрэһиими киллэрэрин иһитиннэрдэ. Визата суох режим 2026 сыл балаҕан ыйын 14 күнүгэр диэри үлэлиэҕэ.
РИА Новости КНР миграция дьыалаларыгар судаарыстыбаннай управлениетыгар этэллэринэн, билиҥҥитэ тас дойдулар пааспордарын дьиҥнээх болдьоҕор хааччахтааһын суох. Онон Кытайга биэс сыллаах кыраныысса таһыгар да, 10 сыллаах биометрическай да өттүнэн докумуоннаах киириэххэ сөп.
“Паспорбыт төрүт болдьоҕор туох да хааччахтааһын суох», — диэн управление итии линиятыгар биэс сыллаах паспордаах киһи визата суох эрэһиим чэрчитинэн Кытайга киирэрэ кыаллыа дуо диэн ыйытыыга хоруйдаан эттилэр.
Онуоха РФ КНР-га посольствотын официальнай телеграм-ханаалыгар суруллубут ыспыраапкаҕа иһитиннэриллэринэн, киһи Кытайтан тахсар болдьоҕо тас дойду пааспорын бүтэр болдьоҕо алта ыйтан итэҕэһэ суох буолуохтаах. РФ Кытайга посольствотыгар чуолкайдаабыттарынан, гуманитарнай майгыннаах түгэннэр баар буоллахтарына, дойдуга киирии кыра кэмнээх болдьохтоох докумуонунан көҥүллэнэр кыахтаах.
This post was published on 16.09.2025 18:34 18:34