Бүлүү улууһун Кыһыл Сыырыгар кытаанах бөҕү араарар линиялаах бөх уматар комплекс тутуллара былааннанар. Бырайыак «ЯТЭК» ПАО-ны кытта холбоһуктаах оҥоһуллар, суруйар ОДьКХ уонна энергетикэ министиэристибэтин пресс-сулууспата.
Бырайыак быһыытынан полигон Бүлүү улууһун Кыһыл Сыыр бөһүөлэгиттэн, Хампа, Тыымпы, Тааһаҕар уонна Чай сэлиэнньэлэриттэн, маны сэргэ Кэбээйи оройуонун Баҕадьа, Сайылык уонна Мастаах сэлиэнньэлэриттэн бөҕү тутуоҕа. Бырайыак үлэҕэ киирдэҕинэ бөх мунньуллуутун уон төгүл кыччатыаҕа. Термическай киэби тутуннахтарына бөх иэнэ 95% диэри аҕыйыан сөп.
«ЯТЭК» ПАО бэрэстэбиитэллэрин кытта Кыһыл Сыыр дьаһалтата бөһүөлэккэ эбийиэги ханан туруорар альтернативнай вариан баарын быһаараллар, ол туһунан ОДьКХ миниистирэ Вячеслав Емельянов эттэ.
This post was published on 05.07.2024 12:01 12:01